happy rehne ke liye humesha aaj me jiye

happy rehne ke liye humesha aaj me jiye

hamaare jeevan mein kuchh achaanak se hone vaalee ghatanae aisee hotee hai jo hamaare astitv ko hila detee hai ! jaise kee sunaamee ,bhookamp,baadh ,toofaan aadi ! in traasadiyon mein kaee log maare jaate hain.har ek maut ek sapane ka ant karatee hai , kisee ka bahut bada bizanas main banane ka sapana , to kisee ka adhikaaree banane ka sapana. aur marane se pahale shaayad kaal ke munh mein samaaye vo badanaseeb inhee sapano ko pooree karane kee jaddojehad mein lage rahe honge . par shaayad kuchh kismat vaale ya kahe apanee kismat ko banaane vaale log bhee un logon mein rahe hoge jinhonne jo bhee pal jiya hoga vo vartamaan mein jiya hoga ! kahane ka matalab yah hai kee jo pal ham jeete hai vo ya to bhavishy kee taiyaaree ke liye hota ya bhoot kee galatiyon ya kaaryakalaapon se juda hota hai !vartanaam mein kuchh aisa nahin rah jaata jo us pal ko sukh de sake!

udaaharan ke taur par bachcho ka kal sudhaarane ke lie ham unaka aaj chheen lete hai !usake din mein aaj ko jeene ke liye shaayad hee koee samay nishit ho ! badhate kompateeshan ko dekhate hue ham unake aaj mein jo cheeje unhen khushee detee hai ya unake aaj ko jeene mein madad kar sakatee hai ham unase chheen lete hai !yahaan tak kee ham unahe ye bhee mauka nahin de paate kee vo soch sake kee aaj mein kaise jeee !bachcho ka bhavishy unaka vartamaan ban jaata hai aur kahee na kahee unaka vartamaan jise ham bachapan kahate hai kho jaata hai !

ye to thee bachcho kee baat aur ab ham javaanon kee soche to kya vo apana aaj jee pa rahe hai ! unaka bhee javaab shaayad na ho ! jab bachapan tha to javaanee kee taiyaaree kee aur bachapan kho baithe! ab javaanee hai to budhaape kee taiyaaree aur javaanee kho baithe! kal kee taiyaaree mein ham apana aaj kho baithate hai ! bachapan mein taiyaaree kee thee kee javaanee mein aaj ko jee lenge jis vajah se taiyaaree karee thee vo vajah hee kho gayee, na khaane, na sochane aur yahaan tak kee na samajh paane kee phursat milee bhaagate chale gae kal ko sudharane mein aur ye bhool hee gae kee kaise apane aaj ko achchhe se jee saken ! agar aaj ko jee liya hota to shaayad aadarsh pita , aadarsh pati aur aadarsh putr ho gae hote!

yadi yahee prashn ham budhaape ke lie rakkhen to unaka bhee javaab hoga kee vo bhee apana vartamaan nahin jee pae budhaapa ye sochane mein kaat rahen hai kee yadi pahale aisa kiya hota to aisa ho jaata !is bhoot kee jantojahaat mein budhaapa beet raha hai

par prashn ye uthata hai kee kya ham aaj mein hee rah jaen bhavishy kee jarooraton kee taiyaaree na kare ? kare jarur kare lekin un taiyaaree se pahale ye jarur soche jis aaj ko ham jee rahe hai vo bhee kisee taiyaariyon ka hee parinaam hai use vyarth na jaane de ! agar kisee pita ne apane bachche ka bachapan nahin dekha to kya dekha !agar kisee bachche ne pita se prashn nahin poochhe to kya kiya .agar kisee daada ne apane pote ko kahaanee nahin sunaee to kya kiya ! jeevan ke in palon mein aaj ke liye kuchh vakt nikaaliye aapaka beta aapakee patnee aapake pita va aapakee maata aapaka intajaar kar rahe hai.

Leave a Reply

Your email address will not be published. Required fields are marked *

Copyright © 2018 ShoutingIndians | All Rights Reserved.